كريمة طآزجةة حآڵمٍۃ چډۑډھٍۃ|♥
مسآهمآاتـے|♥ : 28 نقآاطـے|♥ : 72 سسمعتـے|♥ : 0
| موضوع: علمي أبنائك الصوم السبت يونيو 08, 2013 8:10 pm | |
| السلام عليكم بارك الله بكم آل الطفولة على هذه السلسلة الرائعة التي ستعود بإذن الله بالفائدة العظمى على جميع الأخوات زوار وأعضاء
[ندعوك للتسجيل في المنتدى أو التعريف بنفسك لمعاينة هذه الصورة]
لي تجربة بسيطة مع أبنائي في الصوم ابني الكبير عمره 7 سنوات والثاني عمره 5.5 بدأت مع ابني الكبير من لما كان عمرو 4 سنين ما كان يعرف شو يعني صيام بس كنت خليه برمضان يصوم للظهر تقريبا 4 أو 5 من لما يفيق للظهر الحمد لله كان متقبل فكرة الصيام بس مو فهمان ليش المهم كان عندو الوجبة اللذيذة يلي بدي قدملو ياها ع الفطور تبعو
[ندعوك للتسجيل في المنتدى أو التعريف بنفسك لمعاينة هذه الصورة]
السنة يلي بعدها صار الصيام شبه اجباري مع شويه معلومات عن الصيام وأهم معلومة كانت انو الصيام صحي لانو ابني كتير بحب يهتم بصحتو وبقوي الجسم عدا الأجر والثواب من رب العالمين
[ندعوك للتسجيل في المنتدى أو التعريف بنفسك لمعاينة هذه الصورة]
السنة الماضية كان الصيام إجباري للظهر إلو ولأخو عدا يوم الجمعة كان اجازة طبعا كان في كتير صعوبة اثناء صيامهم ونق طقيق وهاد جوعان وهداك تعبان بس انا قاسية نوعا ما فما كنت رد عليهن بهمني كتير يتعلو امور الدين وبحس انو لازم اقسى شوي ليحسو انو الصيام لازم وضروري مو بأي وقت فينا نفطر بس كنت على طول ذكرهن أديش إلهن اجر وثواب وحسنات
[ندعوك للتسجيل في المنتدى أو التعريف بنفسك لمعاينة هذه الصورة]
وكنت احكيلهن عن باب الريان وخبرتهن انو هاد بس للصايمين عجبتهن الفكرة حلو التخصيص و ان شاء الله يا رب يحقق مناهم طبعا كان في حوافز مشان يكملو الصيام مصاري مثلا وهدية ع العيد و كنت اعمل نوع حلو يلي بحبو والفطور على كيفهن وكنت اعمل حسابهن بكل شي ع الفطور وكأنو صايمين معنا كان ابني الكبير يروح مع ابو ع الجامع يفطرو هنيك ويصلو المغرب
[ندعوك للتسجيل في المنتدى أو التعريف بنفسك لمعاينة هذه الصورة]
هي كانت خطوة كتير مشجعة لابني ليتمم صيامو للمغرب من فضل رب العالمين صام يومين كاملين برمضان الماضي وإن شاء الله يا رب يهون عليهن هالسنة
[ندعوك للتسجيل في المنتدى أو التعريف بنفسك لمعاينة هذه الصورة]
الله يهديهم يا رب ويحفظهن ويهون عليهن الصيام ويحببوا لقلوبهن هنن وجيمع اولاد المسلمين يااااااا رب [ندعوك للتسجيل في المنتدى أو التعريف بنفسك لمعاينة هذه الصورة] | |
|